{"id":12183,"date":"2017-04-04T11:00:00","date_gmt":"2017-04-04T11:00:00","guid":{"rendered":"https:\/\/mickgb.com\/?p=12183"},"modified":"2024-04-08T01:27:26","modified_gmt":"2024-04-08T01:27:26","slug":"camchuairt-in-albain-6","status":"publish","type":"post","link":"https:\/\/mickgb.com\/en\/camchuairt-in-albain-6\/","title":{"rendered":"Camchuairt in Albain (6)"},"content":{"rendered":"

I mB\u00e9al an Phobail<\/p>

Peadar Bair\u00e9ad<\/p>

Camchuairt in Albain (6)<\/span><\/strong><\/p>

(Seo an s\u00e9\u00fa p\u00edosa a scr\u00edobh m\u00e9, in eireaball na bliana 1992, faoin bp\u00e1irt a ghlac m\u00e9 fh\u00e9in i gCuairt na bhFil\u00ed \u00c9ireannacha ar Albain i bhF\u00f3mhar na bliana sin, <\/em><\/strong><\/p>

Mar sin, seo chugaibh an s\u00e9\u00fa g\u00e1la den tsraith altanna a scr\u00edobh m\u00e9 faoin gcuairt sin, seacht mbliana d\u00e9ag \u00f3 shoin anois)<\/em><\/span><\/strong><\/p>

.<\/span><\/span><\/p>

D\u00e9 hAoine, 18 Me\u00e1n F\u00f3mhair 1992, bh\u00ed m\u00e9 i mo shu\u00ed ag a hocht a chlog. Ag a deich a chlog, isteach linn sa mhionbhus, agus amach linn ar fud na bhfud.<\/p>

Th\u00f3gamar an timpeall, feadh an ch\u00f3sta, le cuairt a thabhairt ar Torridon stairi\u00fail Mhuintir MhacKenzie, agus le taitneamh a bhaint as radharcanna neamha\u00ed na d\u00faiche sin.<\/span><\/p>

Bh\u00ed measc\u00e1n iontach radharcra le blaiseadh againn. Bh\u00ed radharcanna f\u00edor-\u00e1ille mara, feadh an bhealaigh; cuanta, b\u00e1nna agus locnanna, mar aon le b\u00e1id ildaite de gach uile chine\u00e1l, ag treabhadh leo ar ucht leathan na farraige.<\/span><\/p>

Bh\u00ed turas\u00f3ir\u00ed agsu f\u00e1mair\u00ed ag guairdeall leo, ar chois, ar rothair, agus i ngluaiste\u00e1in. Chomh maith leis na radharcanna mara, bh\u00ed cnois agus sl\u00e9ibhte <\/span>chomh fl\u00fairseach le m\u00f3in, feadh an bhealaigh ch\u00e9anna sin, B\u00ed ag caint ar an ngobad\u00e1n!<\/span><\/p>

Bh\u00edomar \u00f3 thaobh amh\u00e1in go dt\u00ed an taobh eile den mhionbhus, agus muid ag iarraidh dh\u00e1 thr\u00e1, ar a ladhad, a fhreastal, ag an am gc\u00e9anna! Bh\u00ed rud eile i gceist freisin, bh\u00edomar seisear sa mhionbhus, agus seanchas agus cult\u00far Gael \u00e1 gc\u00edoradh agus \u00e1 gcadr\u00e1il go mion sp\u00e9isi\u00fail againn.<\/span><\/p>

Tuigeann t\u00fa anois an c\u00e1s ina rabhamar, agus an radharcra amuigh, agus an seanchas istigh, d\u00e1r mealladh agus d\u00e1r str\u00f3iceadh \u00f3 thaobh amh\u00e1in go dt\u00ed an taobh eile. Mo chuidse de, n\u00ed h\u00e9 mo thuairim, gur chaill m\u00e9 m\u00f3r\u00e1n, ar thaobh amh\u00e1in, n\u00f3 ar an dtaobh eile.<\/span><\/p>

Crieff<\/h1>

Ar ball, d\u2019iompa\u00edomar isteach faoin t\u00edr, ar bhruach \u2018Loch Duich\u2019. Ba ghearr go raibhamar ar\u00eds i measc na mBeann. N\u00edor mhothaigh m\u00e9, a thuilleadh, go raibh na sl\u00e9ibhte seo eascairdi\u00fa<\/span>il, doicheallach, faoi mar a d\u2019airigh m\u00e9 ar an M\u00e1irt, agus muid ar ar mbealach go Crieff.<\/span><\/p>

An babhta seo, d\u2019airigh m\u00e9 go raibh glactha ag na sl\u00e9ibhte liom, mar chara, agus in ionad bheith ag iarraidh cosc a chur liom, fan na sl\u00ed, gurbh amhlaidh a bh\u00ed siad tagtha s\u00edos le hais an bh\u00f3thair anois, le sl\u00e1n abhaile a chur liom, rud a l\u00e9irionn mar a chuaigh cult\u00far agus pobal na hAlban i gcionn orm, i rith na seachtaine.<\/span><\/p>

Ar dheis ag Invergarry, thar Thobar na Seacht agCeann, feadh Loch Lochy agus Loch Linnhe. Ghabhamar tr\u00ed Bridge of Orchy agus Crianlarich agus Comrie. Ansin, tarraingt ar a s\u00e9 a chlog tr\u00e1thn\u00f3na, shroicheamar baile m\u00f3r Crieff, (foirm Bhearla an fhocail \u2018Craobh\u2019).<\/span><\/p>

Ghabhamar tr\u00edna l\u00e1n bailte glana, i rith na seachtaine, ach ba \u00e9 seo an baile ba ghlaine d\u00edobh ar fad. N\u00ed raibh go fi\u00fa bl\u00fair\u00edn p\u00e1ip\u00e9ir le feice\u00e1il ar shr\u00e1ideanna Chrieff.<\/span><\/p>

Tarraingt ar ocht m\u00edle duine at\u00e1 ag cur futhu sa mbaile seo, a d\u00faradh liom. Cuma an airgid, agus an dul-chun-cinn, ar an \u00e1it. N\u00ed i dTithe \u00d3sta, ach i ngn\u00e1th-thithe a chaitheamar \u00e1r seal i gCrieff.<\/span><\/p>

Alec agus Wendy Welstead, a chuir l\u00f3ist\u00edn na ho\u00edche ar f\u00e1il dom fh\u00e9in agus don Chornal Eoghan \u00d3 N\u00e9ill, in a dteach \u00e1lainn, ar imeall an bhaile. Bh\u00ed baill eile na bu\u00edne ar iostais i dtithe eile, beirt anseo, agus an bheirt eile, ansi\u00fad.<\/span><\/p>

F\u00e1ilte<\/h1>

I dtigh mhuintir Wealstead, f\u00e1ilt\u00edodh romhainn, agus bronnadh saoirse a dt\u00ed bhre\u00e1 fhairsing orainn. Folcadh, gl\u00e9asadh, braoin\u00edn den stuif crua, agus comhr\u00e1 l\u00e1ch, mar ullmh\u00fach\u00e1n don dinn\u00e9ar, a bh\u00ed r\u00e9idh faoin\u00e1r gcomhair ag bean ghean\u00fail an t\u00ed.<\/span><\/p>

Tr\u00edd an gcomhr\u00e1, fuaireamar amach, go mba dhocht\u00fair ardch\u00e9ime \u00e9 Alec, sula ndeachaigh s\u00e9 ar scor. Docht\u00fair, a th\u00e9adh, agus a th\u00e9ann f\u00f3s, ar saoire iascaireachta go Pont\u00fan, i gContae Mhaigh Eo, bliain i ndiaidh bliana.<\/span><\/p>

D\u2019fh\u00e1gamar an teach ag a hocht, agus th\u00f3g Alec go dt\u00ed an Crief Hydro muid. Teach \u00d3sta m\u00f3r, gal\u00e1nta, is ea an Hydro, agus i Halla m\u00f3r an \u00d3st\u00e1in seo a bh\u00ed Se\u00f3 na ho\u00edche sin.<\/span><\/p>

Thosaigh an Se\u00f3 ag a ceathr\u00fa tar \u00e9is a hocht. Bh\u00ed an Halla ag cur thar maoil le Gaeil l\u00e1cha, chairdi\u00fala, chuideacht\u00fala na d\u00faiche sin. Ba \u00e9 an Dr. Alasdair Moireasdan, \u2018Fear an Taighe\u2019, an o\u00edche sin, agus n\u00e1rbh \u00e9 a rinne an beart sin go cruinn, ceart, \u00e9ifeachtach.<\/span><\/p>

Uileam MacAoidh, P\u00edobaire, a chuir t\u00fas leis na himeachta\u00ed. Ansin chuir Eoghan \u00d3 N\u00e9ill na h\u00c9ireannaigh in aithne don lucht \u00e9isteachta, agus ghlaoigh s\u00e9 ar Mh\u00e1ire Holmes, le roinnt d\u00e1 d\u00e1nta a aithris.<\/span><\/p>

Ansin th\u00e1inig an tr\u00edr\u00e9ad, Pat, Dereck, agus Peter, ar an bhf\u00f3d, le ceol agus amhr\u00e1in Albanacha a chur i l\u00e1thair. Ba bhre\u00e1, br\u00edomhar, beoga, an bhu\u00edon iad, agus chuir siad br\u00f3ga \u00e1 mbuaileadh, l\u00e1mha \u00e1 ngreadadh, agus coirp a luascadh. Chan Brian s\u2019againne go binn ansin, d\u2019aithris m\u00e9 fh\u00e9in cupla d\u00e1n agus ansin th\u00f3g \u00e1bhar docht\u00fara, Marion MacKinnon, \u00e1r gcro\u00ed, lena ceol binn, meidhreach, ar an bhfidil. Chan Janet Brown amhr\u00e1n i nGaidhlig, agus le cr\u00edoch a chur leis an gc\u00e9ad leath den Se\u00f3, th\u00e1inig Nollaig Mac Ca<\/span>rthaigh ar an bhf\u00f3d, le ceol a sheinm ar an bP\u00edb \u00daileann. Cuireadh suim, agus dh\u00e1 shuim, i gceol Nollag, n\u00f3 t\u00e1 na hAlbanaigh an-tugtha go deo don ph\u00edobaireacht.<\/span><\/p>

\u2018Soraidh leibh\u2019<\/h1>

Bh\u00ed sos fiche neomat againn ansin, le deis a thabhairt do dhaoine cup\u00e1n tae agus ceapair\u00ed a chaitheamh. Bh\u00ed f\u00e1ilte roimh an tae, n\u00f3 bh\u00ed an \u00e1it an-te, agus bh\u00ed \u00e1r sceadam\u00e1in, sc\u00f3lta, spalptha, tar \u00e9is scathaimh ar an \u00e1rd\u00e1n. Bh\u00ed an dara leath den Se\u00f3 d\u00edreach cos\u00fail leis an gc\u00e9ad leath, ach amh\u00e1in n\u00e1r th\u00e1inig na hoirfidigh ar an ard\u00e1n san ord c\u00e9anna, an tr\u00e1th seo. Cuireadh cr\u00edoch le himeachta\u00ed na ho\u00edche Aoine sin le r\u00fain bu\u00edochais, agus le \u2018Soraidh Leibh\u2019, sin amhr\u00e1n a \u00fas\u00e1ideann Gaeil Alban le cr\u00edoch a chur l<\/span>e cl\u00e1r d\u00e1 leith\u00e9id. Lena bhlas a thabhairt, tabharfiadh m\u00e9 v\u00e9arsa amh\u00e1in as anseo………<\/span><\/p>

\u201cSoraigh leibh is oidhche mhaith leibh,<\/span><\/p>

Oidhche mhaith leibh \u2018s beannachd leibh,<\/span><\/p>

Guidheam slainte ghnath bhith mar ruibh,<\/span><\/p>

Oidhche mhaith leibh \u2018s beannachd leibh.\u201d<\/span><\/p>

Bh\u00ed me\u00e1no\u00edche na gc\u00e1rta\u00ed ann nuair a shroicheamar tigh Welstead, agus tar \u00e9is scathaimh a chaitheamh ag cur c\u00farsa\u00ed tr\u00ed ch\u00e9ile, thugamar an leaba orainn fh\u00e9in agus chodla\u00edomar go s\u00e1mh go maidin gona l\u00e1nshoilse arna mh\u00e1rach.<\/span><\/p>

Agus \u00f3 tharla nach mbeidh sa tsraith seo ach alt amh\u00e1in eile, b\u00ed cinnte go mbeidh t\u00fa liom an ch\u00e9ad bhabhta eile, nuair a bheidh m\u00e9 ag cur s\u00edos ar \u2018Babbity Bowster\u2019 agus ar Sauchiehall Street, i measc an iliomad \u00e1bhar eile…………………………<\/span><\/p>

.<\/span><\/span><\/p>

<\/span><\/p>","protected":false},"excerpt":{"rendered":"

I mB\u00e9al an Phobail Peadar Bair\u00e9ad Camchuairt in Albain (6) (Seo an s\u00e9\u00fa p\u00edosa a scr\u00edobh m\u00e9, in eireaball na bliana 1992, faoin bp\u00e1irt a ghlac m\u00e9 fh\u00e9in i gCuairt na bhFil\u00ed \u00c9ireannacha ar Albain i bhF\u00f3mhar na bliana sin, Mar sin, seo chugaibh an s\u00e9\u00fa g\u00e1la den tsraith altanna a scr\u00edobh m\u00e9 faoin gcuairt […]<\/p>\n","protected":false},"author":2,"featured_media":13435,"comment_status":"open","ping_status":"open","sticky":false,"template":"","format":"standard","meta":{"nf_dc_page":"","_et_pb_use_builder":"","_et_pb_old_content":"","_et_gb_content_width":"","footnotes":""},"categories":[1],"tags":[],"class_list":["post-12183","post","type-post","status-publish","format-standard","has-post-thumbnail","hentry","category-gan-chatagoir"],"_links":{"self":[{"href":"https:\/\/mickgb.com\/en\/wp-json\/wp\/v2\/posts\/12183","targetHints":{"allow":["GET"]}}],"collection":[{"href":"https:\/\/mickgb.com\/en\/wp-json\/wp\/v2\/posts"}],"about":[{"href":"https:\/\/mickgb.com\/en\/wp-json\/wp\/v2\/types\/post"}],"author":[{"embeddable":true,"href":"https:\/\/mickgb.com\/en\/wp-json\/wp\/v2\/users\/2"}],"replies":[{"embeddable":true,"href":"https:\/\/mickgb.com\/en\/wp-json\/wp\/v2\/comments?post=12183"}],"version-history":[{"count":1,"href":"https:\/\/mickgb.com\/en\/wp-json\/wp\/v2\/posts\/12183\/revisions"}],"predecessor-version":[{"id":12184,"href":"https:\/\/mickgb.com\/en\/wp-json\/wp\/v2\/posts\/12183\/revisions\/12184"}],"wp:featuredmedia":[{"embeddable":true,"href":"https:\/\/mickgb.com\/en\/wp-json\/wp\/v2\/media\/13435"}],"wp:attachment":[{"href":"https:\/\/mickgb.com\/en\/wp-json\/wp\/v2\/media?parent=12183"}],"wp:term":[{"taxonomy":"category","embeddable":true,"href":"https:\/\/mickgb.com\/en\/wp-json\/wp\/v2\/categories?post=12183"},{"taxonomy":"post_tag","embeddable":true,"href":"https:\/\/mickgb.com\/en\/wp-json\/wp\/v2\/tags?post=12183"}],"curies":[{"name":"wp","href":"https:\/\/api.w.org\/{rel}","templated":true}]}}