{"id":11887,"date":"2017-04-04T11:00:00","date_gmt":"2017-04-04T11:00:00","guid":{"rendered":"https:\/\/mickgb.com\/?p=11887"},"modified":"2024-04-08T01:09:11","modified_gmt":"2024-04-08T01:09:11","slug":"a-n-t-s-l-e-a-n-i-m-h-e","status":"publish","type":"post","link":"https:\/\/mickgb.com\/ga\/a-n-t-s-l-e-a-n-i-m-h-e\/","title":{"rendered":"A n t S l e \u00e1 N i m h e ."},"content":{"rendered":"

A n t S l e \u00e1 N i m h e .<\/span><\/strong><\/p>

.<\/span><\/span><\/p>

*********************************<\/span><\/strong><\/p>

.<\/span><\/span><\/p>

T h e J E S T E R………………………………<\/span>Foilsithe ………….2003.<\/strong><\/p>

l e……………………………………………………………………………………………………………..<\/strong><\/p>

James Patterson & Andrew Gross<\/span>……………………………………………\u00a310.99.<\/strong><\/p>

.<\/span><\/span><\/p>

**********************************<\/span><\/strong><\/p>

.<\/span><\/span><\/p>

N\u00edl ann ach achar gearr, \u00f3 bh\u00ed leabhar eile leis an \u00fadar James Patterson, idir cham\u00e1in agam, sa chol\u00fan seo. The \u2018Beach House\u2019 at\u00e1 i gecist agam anseo, ach ba ch\u00f3ir a lua, go raibh \u00fadar eile, Peter de Jonge, i gcomhar leis, sa bhfiontar sin. N\u00ed p\u00edobaire an aon phoirt \u00e9, an James Patterson c\u00e9anna seo, n\u00f3 is \u00fadar \u00e9, a bhfuil brosna leabhar den scoth againn uaidh, cheana fein. B\u2019fh\u00e9idir n\u00e1rbh aon dochar \u00e9, cupla ceann acu a lua anseo. Mar is cuimhin libh, scr\u00edobh m\u00e9 p\u00edosa faoi roinnt acu, anseo I mB\u00e9al an Phobail, cheana. Is d\u00f3cha gur cuimhin libh p\u00edosa a l\u00e9amh anseo cheana, faoi \u2018Pop goes the Weasel,\u2019 \u2018Four Blind Mice,\u2019 maraon le \u2018The Beach House,\u2019 ach d\u00e1r nd\u00f3igh, scr\u00edobh s\u00e9 roinnt mhaith eile leabhar freisin, leabhair ar n\u00f3s \u2018Along Came a Spider,\u2019 \u2018Roses are Red,\u2019 \u2018Jack and Jill,\u2019 agus \u2018When the Wind Blows,\u2019 leabhar m\u00f3r-r\u00e1chairte chuile cheann riamh acu, n\u00f3 t\u00e1 cl\u00fa agus c\u00e1il idirn\u00e1isi\u00fanta bainte amach, cheana f\u00e9in, ag an \u00fadar l\u00edofa, ild\u00e1nach, corraitheach, seo. Ach caithfidh m\u00e9 a r\u00e1 leat, ag an bpointe seo, gurb \u00e9 seo an ceann is fearr uaidh, go nuige seo, d\u00e1r liomsa, n\u00f3 beireann an t-\u00fadar seo greim sc\u00f3ige ort, i dt\u00fas an leabhair seo, agus n\u00ed scaoileann s\u00e9 an greim sin, n\u00f3 go mb\u00edonn an deoir deiridh den sc\u00e9al neamhghn\u00e1ch seo di\u00fagtha agat. Sea, t\u00e1 s\u00e9 thar a bheith deacair an leabhar corraitheach seo a leagan uait, \u00f3 th\u00fas deireadh, n\u00f3 gluaiseann an sc\u00e9al seo ar luas mire, \u00f3n gc\u00e9ad chaibidil go dt\u00ed an chaibidil deiridh, agus tabharfaidh t\u00fa faoi deara, go bhfuil c\u00e9ad caoga is ceithre chaibidil ar fad, dingthe isteach aige, idir chl\u00fadaigh ildathacha an leabhair seo, agus caithfidh m\u00e9 a admh\u00e1il go raibh cine\u00e1l cumha orm, nuair a bh\u00ed an chaibidil deiridh cr\u00edochnaithe agam. Ach le filleadh ar an sc\u00e9al fh\u00e9in……<\/p>

\u00darsc\u00e9al stairi\u00fail at\u00e1 againn anseo, agus \u00e9 suite thiar in aimsir na gCros\u00e1id\u00ed, agus d\u00e9anann na h\u00fadair a nd\u00edcheall, blas, boladh, agus atmosf\u00e9ar, na laethe \u00fad fad\u00f3, a shn\u00edomh isteach sa sc\u00e9al, ar bhealach n\u00e1d\u00fartha, inchreidte, agus chuige sin, n\u00ed fol\u00e1ir n\u00f3 rinne siad a gcuid taighde go mion, doimhin, c\u00faramach. \u00c9ir\u00edonn leo, thar barr, atmosf\u00e9ar na haoise sin a chruth\u00fa, tr\u00ed chru\u00e1lacht na Ridir\u00ed, agus tr\u00ed \u00e9ad\u00f3chas, agus c\u00e9im s\u00edos na ndaor, a leagan os \u00e1r gcomhair amach, faoi mar ba shaol \u00e9 a caitheadh san Eoraip, ar\u00fa inn\u00e9, n\u00f3 an l\u00e1 roimhe sin, fi\u00fa, agus a bhfuil a chuimhne beo f\u00f3s i measc na cosmhuintire. F\u00e9ach mar a \u00e9ir\u00edonn leis na h\u00fadair \u00e1r sp\u00e9is sa sc\u00e9al a mh\u00fascailt, i dt\u00fas na ch\u00e9ad chaibidile…..<\/p>

Wearing a brown tweed suit, and his customary dark toirtoiseshell sunglasses, Dr Alberto Mazzini pushed through the crowd of loud and agitating reporters blocking the steps of the Musee de l\u2019Histoire in Blois<\/p>

\u2018Can you tell us about the artefact? Is it real? Is that why you\u2019re here?\u2019 a woman pressed, shoving a microphone marked CNN in his face. \u2018Have tests been performed on the DNA?\u2019<\/p>

Bhuel, n\u00edl dabht ar domhan ach go nd\u00faiseodh an chaint sin fiosracht dhuine ar bith. Ach d\u00e9arfadh duine b\u2019fh\u00e9idir…Ach cheap m\u00e9 gur faoi aois na gCros\u00e1id\u00ed a scr\u00edobhadh an sc\u00e9al seo? <\/p>

Sea, agus bheadh an ceart ag an nduine c\u00e9anna sin, ach ba \u00e9 a tharla n\u00f3 go bhfuarthas an taise, n\u00f3 an iarsma seo, i mbaile Blois, sa bhFrainc, nuair a bh\u00edothas ag d\u00e9anamh tochailte, le hIonad Siopad\u00f3ireachta a th\u00f3gail ar l\u00e1thair \u00e1irithe. Dhealr\u00f3dh s\u00e9 go rabhthas ag tochailt, in \u00e1it a raibh daoine curtha san aon\u00fa haois d\u00e9ag, agus sa tochailt d\u00f3ibh, th\u00e1ngthas ar uaigh Dhi\u00faic eic\u00ednt, \u00f3n r\u00e9 sin, agus istigh ina sharc\u00f3fagais si\u00fad, fuarathas iarsma beannaithe \u00f3 th\u00fas r\u00e9 na Cr\u00edostaiochta, i nd\u00e1ir\u00edre, tuigeadh d\u00f3ibh si\u00fad a raibh saineolas acu sna c\u00farsa\u00ed sin, tuigeadh d\u00f3ibh gurbh \u00e9 a bh\u00ed ann n\u00f3 an tSle\u00e1 a sh\u00e1ith \u201cLonginus\u201d, n\u00f3 an Dall<\/strong> fh\u00e9in, i gcl\u00e9ibh Chr\u00edost, tr\u00e1thn\u00f3na Aoine an Ch\u00e9asta, fad\u00f3. Ach conas a tharla go bhf\u00e9adfadh taise bheannaithe d\u00e1 leith\u00e9id a bealach a dh\u00e9anamh \u00f3n dT\u00edr Naofa chun na hIod\u00e1ile, agus n\u00edos ionta\u00ed f\u00f3s, isteach i sarc\u00f3fagas an Di\u00faic ainaithnid \u00fad, ar d\u00e1ileadh an chr\u00e9 leis, sa bhliain 1099? B\u2019in iad na ceisteanna a chuir na h\u00fadair orthu fh\u00e9in, agus iad ag dul i gcionn an \u00farsc\u00e9il stairi\u00fail seo, agus n\u00ed fh\u00e9adfadh duine ar bith a sh\u00e9anamh, gur leag siad toradh a gcuid taighde os \u00e1r gcomhair, ar bhealach n\u00e1d\u00fartha, corraitheach, inchreidte, sa chaoi gur beag nach gcreidfeadh an l\u00e9itheoir, gur tharla eachtra\u00ed uilig an sc\u00e9il, d\u00edreach mar a leagtar os \u00e1r gcomhair amach iad, agus chomh maith le taighde, agus tuiscint, na saineolaithe, bh\u00ed freisin, i mb\u00e9aloideas na cosmhuintire, an sc\u00e9al ceannann c\u00e9anna, go raibh an tSle\u00e1 Bheannaithe i limist\u00e9ar Bhlois, um dheireadh an aon\u00fa haois d\u00e9ag. Cib\u00e9 faoi sin, n\u00ed raibh s\u00e9 sa bh\u00e9aloideas riamh, go mba leis an Di\u00fac an tSe\u00e1 fh\u00e9in, ba \u00e9 a bh\u00ed sa bh\u00e9aloideas c\u00e9anna sin, n\u00f3 go mba le fear magaidh, n\u00f3 le \u201cJester\u201d \u00e9, i nd\u00e1ir\u00edre. Anois, n\u00edl ansin ach c\u00falra an sc\u00e9il seo, agus \u00e9 tugtha d\u00fainn sa R\u00e9amhr\u00e1, agus ansin, tosa\u00edonn an sc\u00e9al i nd\u00e1ir\u00edre, nuair a thosa\u00edtear ar sc\u00e9al, agus ar stair, na Sle\u00e1 Nimhe sin a chumadh, agus a chruth\u00fa, ach ag an am gc\u00e9anna, d\u00e9antar chuile iarracht ar theorainneacha an sc\u00e9il sin a choinne\u00e1il taobh istigh de chla\u00edocha na staire, agus an bh\u00e9aloidis.<\/p>

Siar isteach i ngort na staire, a dh\u00edr\u00edodar a n-aghaidh, i dtosach, le sc\u00e9al na sle\u00e1 beannaithe a fhiosr\u00fa, a chuart\u00fa agus a r\u00edomh, d\u00fainne, l\u00e9itheoir\u00ed. R\u00e9 na gCros\u00e1id\u00ed a bh\u00ed ann, an tr\u00e1th \u00fad, agus cuireann \u00e1r n-\u00fadair t\u00fas lena sc\u00e9al, le hatmosf\u00e9ar na gluaiseachta spiorad\u00e1lta \u00fad a chruth\u00fa d\u00fainn, agus chuige sin, cuireann siad t\u00fas lena sc\u00e9al, sa bhliain 1096…<\/p>

Veille du Pere, a village in southern France, 1096.<\/em><\/p>

The church bells were ringing. Loud, quickening peals \u2013 echoing through the village in the middle of the day………<\/p>

What was going on?……….<\/p>

Then Armaud, who farmed by the river, galloped over the bridge aboard his mule, pointing back towards the road. \u2018They\u2019re coming! They\u2019re almost here!\u2019<\/p>

C\u00e9 bh\u00ed chucu, an ea? <\/p>

Bhuel, c\u00e9 eile ach Arm na Croise fh\u00e9in. Sea, mh\u2019anam, bh\u00ed Arm na Croise ag m\u00e1irse\u00e1il tr\u00edna mbaile, tr\u00ed Veille du Pere. <\/em>N\u00edor ghn\u00e1tharm a bh\u00ed chucu isteach, m\u00e1 sea, n\u00edorbh ea muis, ach arm a bh\u00ed n\u00edos cos\u00fala le graimisc sr\u00e1ide n\u00e1 le saighdi\u00fair\u00ed gairmi\u00fala, faoi mar a bh\u00edodh in airm na r\u00e9 sin, agus in ionad Ridire, n\u00f3 R\u00ed, n\u00f3 Tiarna, de chine\u00e1l eic\u00ednt, bheith i gceannas orthu, n\u00ed raibh \u00e1 sti\u00faradh ach fir\u00edn beag feosa\u00ed, gl\u00e9asta in \u00e9ide manaigh, \u00e9ide d\u00e9anta as \u00e9adach simpl\u00ed baile. Bh\u00ed an manach seo cosnocht, ceann-nocht, agus maol. Ba \u00e9 Peadar D\u00edthreabhach, a bh\u00ed ann, n\u00f3 Peter the Hermit,<\/strong> faoi mar a thugta\u00ed air sa mB\u00e9arla, agus \u00e9 ag f\u00f3gairt Cros\u00e1ide, faoi mar a d\u2019iarr an P\u00e1pa Urban<\/strong> air a dh\u00e9anamh, le l\u00e1ithreacha beannaithe na T\u00edre Naofa a shaoradh \u00f3 na sluaite ainchreidmheacha. Nuair a thosaigh an manach seo ag caint, ba ghearr gur chuir s\u00e9 a lucht \u00e9isteachta faoi dhra\u00edocht, lena ghuth, agus lena gheall\u00faint\u00ed. F\u00e9ach mr a chuireann na h\u00fadair \u00e9…..<\/p>

\u2018For those who come,\u2019 the monk named Peter went on, \u2018for those who put aside their earthly possessions and join our Crusade, His Holiness Urban promises unimaginable rewards: riches, spoils, and honour in battle, his protection for your families who dutifully remain behind, and eternity in Heaven at the feet of Our grateful Lord. And, most of all, freedom. Freedom from all servitude upon your return. Who will come, brave souls?\u2019 The monk reached out his arms.<\/p>

Ligeadh b\u00e9iceanna \u00e1thais agus molta, agus ag an am gc\u00e9anna, bhog roinnt mhaith earcaigh \u00f3n slua isteach in Arm na Croise, arm a raibh cros mh\u00f3r dhearg deartha ar a n-\u00e9ide thiar, ar chuile dhuine acu.<\/p>

Bh\u00ed pr\u00edomhcharactar an sc\u00e9il, Fear an Mhagaidh fh\u00e9in, n\u00f3 Hugh deLuc<\/strong>, ar an bhf\u00f3d don aitheasc \u00fad, agus b\u00edodh gur chorraigh focail an mhanaigh an cro\u00ed istigh ann, ag an am gc\u00e9anna, bh\u00ed a bhean Sophie ansin, taobh leis, agus shocraigh s\u00e9 ar fan\u00faint mar a raibh s\u00e9, go f\u00f3ill, ar aon n\u00f3s.<\/p>

Tamall gearr ina dhiaidh sin, th\u00e1inig Ridir\u00ed \u00f3na dTiarna Feodach, Baldwin Taoiseach Tours, ar chuairt chucu, n\u00f3, is d\u00f3cha gur chuala s\u00e9, go raibh cuid d\u00e1 dhaoir s\u00e1sta dul le Peadar D\u00edthreabhach, in Arm na Croise, le troid a dh\u00e9anamh sa Talamh Naofa, gan a cheadsan, n\u00f3 tada d\u00e1 leith\u00e9id a fh\u00e1il, roimh r\u00e9. Bhuel, rinne na ridir\u00ed c\u00e9anna sin an diabhal ar an mbaile beag sin, Veille du Pere, <\/em>agus mhaslaigh, agus chr\u00e1igh, a mhuintir go neamhthr\u00f3caireach. Mharaigh siad gas\u00fair\u00edn \u00f3g, mac an mhuilleora, tr\u00edna bh\u00e1 faoi Roth m\u00f3r an Mhuilinn, sgus d\u2019\u00e9ignigh a gcuid saighdi\u00fair\u00ed in\u00edon \u00f3g an mhuilleora ch\u00e9anna, ansin i l\u00e1r an lae ghil. Nuair a bh\u00ed a nd\u00f3thain dochair d\u00e9anta acu, agus tar \u00e9is d\u00f3ibh a sagart, agus an P\u00e1pa fh\u00e9in, a mhasl\u00fa go poibl\u00ed, d\u2019iompaigh siad ar a s\u00e1la, agus as go br\u00e1ch leo as an mbaile sin amach. Ba ansin a tuigeadh do Hugh duLuc, den ch\u00e9ad uair, nach raibh cearta, n\u00f3 tada d\u00e1 sh\u00f3rt acu, agus nach raibh cosaint ar domhan acu i goinne a dTiarna\u00ed Feodacha. D\u2019athraigh a bhfaca s\u00e9, an l\u00e1 sin, i Veille du Pere <\/em>a dhearcadh ar an saol seo, go deo ina dhiaidh sin, agus chuir cor n\u00e1r bheag ina chinni\u00faint, agus i gcinni\u00faint a mhuintire freisin. Go gairid ina dhiaidh sin, tharla gur chuala Hugh go raibh Raymond of Toulouse ag earc\u00fa \u00f3glaigh le dul chun na T\u00edre Naofa, mar chros\u00e1idithe, agus shocraigh s\u00e9 ina aigne dul leis, anois, n\u00ed ar mhaithe leis na hIonaid Naofa a shaoradh \u00f3 smacht na nIoslamach a liost\u00e1il s\u00e9 in arm na Croise, ach toisc gur gheall Raymond go dtabharfa\u00ed a shaoirse do chuile dhuine a raghadh leis, ar an gCros\u00e1id. F\u00e9ach mar a mh\u00ednigh s\u00e9 an sc\u00e9al d\u00e1 bhean, do Sophie……<\/p>

\u2018I have to go,\u2019 I said.<\/p>

She sat up almost dumbfounded. \u2018You want to take the Cross?\u2019<\/p>

Not the Cross. I wouldn\u2019t for that. But Raymond has promised freedom to anyone who joins. Freedom, Sophie<\/em>…You saw what happened today.\u2019<\/p>

She straightened . \u2018I did <\/em>see, Hugh. And I saw that Baldwin will never free you from your pledge. Or any of us.<\/p>

N\u00edor theastaigh \u00f3n bhfear bocht ach saoirse, in aois nach raibh saor ach na hUaisle agus na R\u00edthe. N\u00ed raibh m\u00f3r\u00e1n ag teast\u00e1il uaidh! Ach, ba gheall\u00faint \u00ed, a bh\u00edothas \u00e1 tabhairt do na h\u00d3glaigh a bh\u00ed s\u00e1sta troid ar na Cros\u00e1id\u00ed.<\/p>

B\u2019in mar a tharla go ndeachaigh Hugh ag troid, ar thaobh na Croise, sa choghadh f\u00edochmhar \u00fad, a bh\u00ed \u00e1 fhearadh ag Cr\u00edostaithe, i gcoinne na Muslamach, thoir sa T\u00edr Naofa, ag an am.<\/p>

Ar deireadh thiar, tar \u00e9is anr\u00f3 agus cruatan a fhulaingt, shroich siad ceann a scr\u00edbe, agus ghlac p\u00e1irt sa choga\u00edocht a fearadh i gcoinne chathair Antioch, cathair a bh\u00ed ina d\u00fan daingean, doghabh\u00e1la, ag an am. Cuirtear s\u00edos d\u00fainn ansin, ar bharbarthacht na troda, ar an d\u00e1 thaobh, agus i ndeireadh na d\u00e1la, shocraigh Hugh ina aigne fh\u00e9in, nach raghadh s\u00e9 n\u00edos fuide leis, mar chogadh, ach go bhfillfeadh s\u00e9 abhaile, Cuma faoi rud ar bith feasta, ach a bhaile, a bhean is a chlann. Istigh in eaglais d\u00f3, chonaic s\u00e9 beirt Turcach ag mar\u00fa sagairt, agus gan de chosaint ag an sagart bocht ach bata. D\u2019ionsaigh Hugh iad, agus ar deireadh chuir an ruaig orthu. Th\u00f3g s\u00e9 bata an tsagairt leis, mar chosaint, agus mar chuimhneach\u00e1n. I nd\u00e1ir\u00edre, ba istigh sa mhaide sin a bh\u00ed an tSle\u00e1 Bheannaithe folaithe, agus b\u2019in mar a d\u2019\u00e9irigh le Fear an Mhagaidh, an Taise luachmhar, bheannaithe sin, a thabhairt abhaile leis \u00f3n Talamh Beannaithe go dt\u00ed a bhaile fh\u00e9in. Anois, n\u00edor mh\u00ednigh m\u00e9 cheana dhuit, go mba fhear grinn, n\u00f3 fear magaidh \u00e9 Hugh \u00f3na \u00f3ige, agus b\u2019in an chaoi ar \u00e9irigh le Fear Magaidh an taise luachmhar sin a bhreith leis abhaile \u00f3n Oirthear.<\/p>

N\u00ed call dom a r\u00e1, nach bhfuil sa mh\u00e9id sin, ach t\u00fas an sc\u00e9il, n\u00f3 is \u00f3n bpointe sin a tharla\u00edonn bun\u00fas na n-eachtra\u00ed at\u00e1 le f\u00e1il go fl\u00fairseach sa sc\u00e9al seo, faoi mar a bheadh r\u00eds\u00edn\u00ed i gc\u00edste, ach f\u00e1gfaidh m\u00e9 f\u00fat fh\u00e9in \u00e9, taitneamh agus toit a bhaint as an chuid eile den sc\u00e9al corraitheach seo. Sc\u00e9al i ins\u00edonn d\u00fainn faoi mar a d\u2019\u00e9irigh leis an bhfear magaidh seo, bua a fh\u00e1il ar na Tiarna\u00ed Feodacha, a mhair sa chuid sin den bhFrainc, ag an am, agus b\u2019eisean freisin, a chuir an tSle\u00e1 Bheannaithe i bhfolach i sarc\u00f3fagas Tiarna Feodach Bhlois. Ach ar\u00eds, caithfidh t\u00fa an leabhar a l\u00e9amh duit fh\u00e9in, le fios f\u00e1tha gach sc\u00e9il acu sin a fh\u00e1il. Ach t\u00e1 chuile sh\u00f3rt le f\u00e1il sa leabhar seo. T\u00e1 ann, gr\u00e1 agus fuath, grain agus greann, gol agus g\u00e1ire. M\u00e1 thagann t\u00fa trasna ar an leabhar seo, t\u00e1 m\u00e9 cinnte go mbainfidh t\u00fa taitneamh agus toit as. <\/p>

Seo an leabhar is fearr f\u00f3s, d\u00e1r liomsa, \u00f3 pheann James Patterson, ach b\u2019fh\u00e9idir gur ch\u00f3ir d\u00fainn cuid d\u00e1 bhu\u00edochas sin a thabhairt dAndrew Gross, an t\u00e9 a rinne comhoibri\u00fa le Patterson, i saothr\u00fa an \u00farsc\u00e9il chorraithigh, sp\u00e9isi\u00fail, seo. N\u00e1ra fada uainn an ch\u00e9ad saothar eile \u00f3 phinn na beirte ild\u00e1nacha, cumasacha, cliste, seo.<\/p>

.<\/span><\/span><\/p>

******************<\/p>

Peadar Bair\u00e9ad.<\/p>

******************<\/p>

.<\/span><\/span><\/p>","protected":false},"excerpt":{"rendered":"

A n t S l e \u00e1 N i m h e . . ********************************* . T h e J E S T E R………………………………Foilsithe ………….2003. l e…………………………………………………………………………………………………………….. James Patterson & Andrew Gross……………………………………………\u00a310.99. . ********************************** . N\u00edl ann ach achar gearr, \u00f3 bh\u00ed leabhar eile leis an \u00fadar James Patterson, idir cham\u00e1in agam, sa chol\u00fan […]<\/p>\n","protected":false},"author":2,"featured_media":13435,"comment_status":"open","ping_status":"open","sticky":false,"template":"","format":"standard","meta":{"nf_dc_page":"","_et_pb_use_builder":"","_et_pb_old_content":"","_et_gb_content_width":"","footnotes":""},"categories":[1],"tags":[],"class_list":["post-11887","post","type-post","status-publish","format-standard","has-post-thumbnail","hentry","category-gan-chatagoir"],"_links":{"self":[{"href":"https:\/\/mickgb.com\/ga\/wp-json\/wp\/v2\/posts\/11887","targetHints":{"allow":["GET"]}}],"collection":[{"href":"https:\/\/mickgb.com\/ga\/wp-json\/wp\/v2\/posts"}],"about":[{"href":"https:\/\/mickgb.com\/ga\/wp-json\/wp\/v2\/types\/post"}],"author":[{"embeddable":true,"href":"https:\/\/mickgb.com\/ga\/wp-json\/wp\/v2\/users\/2"}],"replies":[{"embeddable":true,"href":"https:\/\/mickgb.com\/ga\/wp-json\/wp\/v2\/comments?post=11887"}],"version-history":[{"count":1,"href":"https:\/\/mickgb.com\/ga\/wp-json\/wp\/v2\/posts\/11887\/revisions"}],"predecessor-version":[{"id":11888,"href":"https:\/\/mickgb.com\/ga\/wp-json\/wp\/v2\/posts\/11887\/revisions\/11888"}],"wp:featuredmedia":[{"embeddable":true,"href":"https:\/\/mickgb.com\/ga\/wp-json\/wp\/v2\/media\/13435"}],"wp:attachment":[{"href":"https:\/\/mickgb.com\/ga\/wp-json\/wp\/v2\/media?parent=11887"}],"wp:term":[{"taxonomy":"category","embeddable":true,"href":"https:\/\/mickgb.com\/ga\/wp-json\/wp\/v2\/categories?post=11887"},{"taxonomy":"post_tag","embeddable":true,"href":"https:\/\/mickgb.com\/ga\/wp-json\/wp\/v2\/tags?post=11887"}],"curies":[{"name":"wp","href":"https:\/\/api.w.org\/{rel}","templated":true}]}}