{"id":13147,"date":"2017-04-04T11:00:00","date_gmt":"2017-04-04T11:00:00","guid":{"rendered":"https:\/\/mickgb.com\/?p=13147"},"modified":"2024-04-08T01:07:28","modified_gmt":"2024-04-08T01:07:28","slug":"s-t-a-i-r-n-o-f-i-a-n-n-a-i-o-c-h-t","status":"publish","type":"post","link":"https:\/\/mickgb.com\/ga\/s-t-a-i-r-n-o-f-i-a-n-n-a-i-o-c-h-t\/","title":{"rendered":"S t a i r n \u00f3 F i a n n a \u00ed o c h t"},"content":{"rendered":"

S t a i r , n \u00f3 F i a n n a \u00ed o c h t ?<\/span><\/strong><\/p>

*********************<\/span><\/strong><\/p>

A SECRET HISTORY<\/strong><\/p>

OF T H E<\/h1>

I R A .<\/span><\/strong>…………………………………………………………………………….2002.<\/p>

Le<\/p>

E D M O L O N E Y ………………………………………………………32.25. Euro<\/p>

Foilsithe ag ………………………………………………………………….Penguin Press.<\/p>

.<\/span><\/span><\/p>

*************************<\/span><\/strong><\/p>

.<\/span><\/span><\/p>

De thaisme, i nd\u00e1ir\u00edre, a l\u00e9igh m\u00e9 an leabhar sp\u00e9isi\u00fail seo, n\u00f3 ar an gc\u00e9ad dul s\u00edos, is annamh a l\u00e9ann m\u00e9 leabhar chomh m\u00f3r, toirti\u00fail, leis an gceann seo, n\u00f3 t\u00e1 thart ar s\u00e9 ch\u00e9ad leathanach le f\u00e1il taobh istigh d\u00e1 chl\u00fadaigh, cuir le sin, go bhfuil an cl\u00f3 s\u00e1ch beag ann freisin, agus chomh maith le sin, n\u00ed go r\u00f3-mhinic a l\u00e9im cuntas d\u00e1 leith\u00e9id seo, faoi na triobl\u00f3id\u00ed i dTuaisceart na t\u00edre seo, n\u00f3 b\u2019fhearr liom fanacht, go mbeidh s\u00edoch\u00e1in ioml\u00e1n faoi r\u00e9im ar\u00eds, \u00f3 cheann ceann na t\u00edre seo, sul m\u00e1 l\u00e9im stair d\u00e1 leith\u00e9id. Ba \u00e9 a tharla, \u00e1fach, n\u00f3 gur tugadh an leabhar dom, agus gur iarradh orm spl\u00e9achadh a thabhairt air, agus b\u2019in a dhein an dochar, n\u00f3 thosaigh m\u00e9 ag an t\u00fas, le cupla leathanach a l\u00e9amh. Rinne m\u00e9 sin, agus chuaigh an leabhar chomh m\u00f3r sin i bhfeidhm orm, n\u00e1r fh\u00e9ad m\u00e9 \u00e9 a chur uaim, go raibh s\u00e9 uilig l\u00e9ite agam, \u00f3 chl\u00fadach go cl\u00fadach. D\u2019oibrigh an leabhar , n\u00f3 an t-\u00fadar b\u2019fh\u00e9idir, a dhra\u00edocht fh\u00e9in orm, agus cuireadh faoi gheasa m\u00e9 an leabhar ioml\u00e1n a l\u00e9amh. F\u00e9ach mar a chuireann Ed Moloney t\u00fas lena R\u00e9amhr\u00e1…<\/p>

\u201cThere were never any strategic considerations at stake, like those in the Middle East, for example, nor did the killing ever approach the carnage or savagery of the Balkans or Rwanda. There were no oil fields or gold mines to be captured, or any ideology to be overthrown or vindicated. But the Troubles in Northern Irealand had one quality that marked the violence there as special, and that was the sheer length of the conflict \u2013 that and the fact that no one could really see an end to it.\u201d<\/p>

Is d\u00f3cha go mbeadh s\u00e9 deacaiar duine n\u00edos oiri\u00fana\u00ed a roghn\u00fa don ghn\u00f3 seo n\u00e1 Ed Moloney, n\u00f3 bh\u00ed blianta fada caite aige mar thuairisceoir, agus mar iriseoir, ag scr\u00edobh faoi na Triobl\u00f3id\u00ed i dTuaisceart \u00c9ireann. Bh\u00ed na n\u00f3ta\u00ed aige, bh\u00ed na t\u00e9ipeanna aige, bh\u00ed na cuntais aige, sea, agus thar aon rud eile, bh\u00ed aithne aige ar na pr\u00edomhimreoir\u00ed uilig, geall leis, agus teagmh\u00e1il d\u00e9anta aige leo, thar a bhlianta iriseoireachta. N\u00ed g\u00e1 a r\u00e1, gur mhair na Triobl\u00f3id\u00ed c\u00e9anna, seal fada de bhlianta, \u00f3 thuaidh, agus d\u00e1r nd\u00f3igh, n\u00ed g\u00e1 a r\u00e1, ach oiread, gur chuir siad thar maoil, anois is ar\u00eds, agus gur fh\u00e1g siad a lorg i dt\u00edortha eile, ar n\u00f3s Sasana, Giobr\u00e1ltar, an Ghearm\u00e1in, an Fhrainc, agus tuilleadh.<\/p>

\u201cThirty years after they exploded, the Troubles have ended in what is arguably a most definitive fashion, an ending that marks not merely the closing of a war but rather the conclusion of the historic conflict between Ireland and Britain.<\/p>

They have ended with the leadership of the provisional IRA accepting Britains neutrality in Northern Irealand. No longer do its leaders preach that London is a colonial, occupying power, usurping the right of the Irish people to decide their own future.\u201d<\/p>

B\u2019fh\u00e9idir nach n-aont\u00f3dh chuile dhuine leis an ndearcadh sin ar thoradh Chomhaont\u00fa Aoine an Ch\u00e9asta, n\u00f3 t\u00e1id ann f\u00f3s adeir, nach bhfuil sa socr\u00fa uilig sin ach buid\u00e9al deataigh, agus m\u00e1 scaoiltear an corc ar an mbuid\u00e9al sin, amach anseo, go n-\u00e9al\u00f3idh an deatach as, agus nach mbeidh tada fanta againn ansin, ach an buid\u00e9al folamh. <\/p>

Tosa\u00edonn an leabhar seo ag cur s\u00edos ar an IRA, agus an stair as ar fh\u00e1s an t-arm neamhoifigi\u00fail param\u00edliteach sin. Tosa\u00edonn s\u00e9 le bun\u00fa an St\u00e1it Tuaisceartaigh, ba thoradh ar an gCogadh Angla-\u00c9ireannach, 1919 \u2013 \u201921, agus ansin, d\u00e9anann s\u00e9 ceangal idir bhun\u00fa an st\u00e1it Tuaisceartaigh agus breith Gerry Adams, thart ar ch\u00faig bliana fichead n\u00edos deana\u00ed. Ba Chaitlicigh iad an tr\u00ed\u00fa cuid de dhaonra an st\u00e1it \u00f3 thuaidh, agus caitheadh go dona leosan, tr\u00edd is tr\u00edd, sa chaoi go mbeadh triobl\u00f3id ansin, gach re seal. Tharla gur ghlac athair Gerry Adams p\u00e1irt i dtriobl\u00f3id\u00ed ansin, sna luathdachaid\u00ed, agus ba \u00e9 an sc\u00e9al c\u00e9anna \u00e9 i gc\u00e1s cuid d\u00e1 ghaolta, ar an d\u00e1 thaobh den teach, agus ar a sheal f\u00e9in, freisin, ghlacfhadh an Gerry Adams sin, a rugadh sa bhliain 1948, ghlacfadh s\u00e9 p\u00e1irt, thar a bheith t\u00e1bhachtach, sa choga\u00edocht agus sa triobl\u00f3id i dTuaisceart \u00c9ireann. Sea, agus i nd\u00e1ir\u00edre, d\u00e1 dtabharfa\u00ed Cothrom na F\u00e9inne don mionlach \u00f3 thuaidh, chuile sheans, nach dtarl\u00f3dh na triobl\u00f3id\u00ed ina mbeadh Adams p\u00e1irteach iontu, in aon chor.<\/p>

Sciorr an blianta thart, agus d\u00e9anann an t-\u00fadar tagairt don chaoi ar theip ar \u00f3glaigh na heagra\u00edochta sin, sr\u00e1ideanna Bh\u00e9al Feirste a chosaint, sa bhliain 1969, ceal airm, is d\u00f3cha. Ba \u00e9 toradh a bh\u00ed ar an dteip sin, n\u00f3 gur scoilt an eagra\u00edocht o bhun go barr, agus b\u2019in mar a th\u00e1inig na Sealadaigh ar an bhf\u00f3d a ch\u00e9aduair. Taobh istigh d\u2019achar r\u00e9as\u00fanta gearr, d\u2019\u00e9irigh leosan, tr\u00ed cheangal a shnaidhmeadh leis an gCornal Muammar Quaddafi, d\u2019\u00e9irigh leo na tonna\u00ed airm a iomp\u00f3rt\u00e1il \u00f3n dT\u00fain\u00e9is, agus uaidh sin amach, ni hamh\u00e1in go raibh ar a gcumas a sr\u00e1idaeanna a chosaint, ach bh\u00ed ar a gcumas, saighdi\u00fair\u00ed Shasana agus Chonst\u00e1blacht R\u00edoga Uladh freisin, a ionsa\u00ed agus a throid, i bhfeachtas sceimhlitheoireachta, a mhair ar feadh breis is c\u00faig bliana fichead.<\/p>

Tugann an t-\u00fadar cuntas mion d\u00fainn ar ch\u00farsa\u00ed polait\u00edochta i nDeisceart \u00c9ireann freisin, agus ar na f\u00f3rsa\u00ed a th\u00e1inig chun tosaigh anseo, sna blianta idir bhun\u00fa an tSaorst\u00e1it abhus, agus Pr\u00f3iseas na S\u00edoch\u00e1na \u00f3 thuaidh, n\u00f3 bheadh p\u00e1irt bhun\u00fasach le himirt ag na f\u00f3rsa\u00ed sin uilig i bpr\u00f3iseas na S\u00edoch\u00e1na \u00f3 thuaidh, ar ball. Chuaigh Adams isteach san IRA, go luath ina shaol, n\u00f3 is d\u00f3cha gur cheap s\u00e9 go mba dhual athar d\u00f3 \u00e9..<\/p>

It was into this maelstom of conflicting political ideas and personalities that Gerry Adams plunged when he joined the Belfast IRA\u2019s E Company, although for a while it did not impinge much on his life. As he was to say himself many years later, all this ferment was \u201cgoing on, if you like, above my head\u201d. He was only sixteen when he joined the republican movement, and the debate within it was taking place far away, at leadership level and mostly in Dublin, where the IRA policymakers were based.<\/p>

B\u2019in mar a bh\u00ed, an tr\u00e1th \u00fad, ach dh\u00e9anfa\u00ed sin a athr\u00fa, le himeacht aimsire, agus d\u2019fh\u00e1gfa\u00ed an chuid ba mh\u00f3 den obair sin faoi \u00f3glaigh an Tuaiscirt fh\u00e9in. T\u00e1 le tuiscint \u00f3n leabhar seo, gur theastaigh \u00f3 Gerry Adams c\u00e9im ard a bhaint amach d\u00f3 fh\u00e9in san IRA, agus de r\u00e9ir mar a chuaigh c\u00farsa\u00ed ar aghaidh, tharla i dtosach, sa bhliain 1971, gur cuireadh i gceannas ar an Dara Cathl\u00e1n, i mB\u00e9al Feirste \u00e9, agus ba sa phost sin a bhain s\u00e9 c\u00e1il amach d\u00f3 fh\u00e9in, mar smaointeoir, agus mar eagra\u00ed. N\u00ed h\u00e9 anois go ndeachaigh s\u00e9 amach ar mhisin, lena ghunna. N\u00edorbh \u00e9 sin a saghas duine \u00e9, de r\u00e9ir an chuntais seo, ach ba \u00e9 a rinne na pleananna, agus a d\u2019fh\u00e9ach chuige, go gcuirf\u00ed na pleananna sin i gcr\u00edch.<\/p>

\u201cInasmuch as Gerry Adam\u2019s Second Battalion had, by it\u2019s bombing and his strategic foresight, helped to precipitate this disaster for British policy in Northern Ireland, the IRA had benefited from his strategic talents, and this enormously boosted his standing within the IRA. Cahill and Twomey became even more dependent upon his advice.\u201d<\/p>

Ba \u00e9 an \u201cdisaster for British policy\u201d at\u00e1 idir cham\u00e1in ag an \u00fadar anseo, n\u00f3 polasa\u00ed an imtheorannaithe a cuireadh i gcr\u00edch, de thoradh na buam\u00e1la, agus na troda, a dhein Cathl\u00e1n Mhic Adhaimh. Mar sin a cuireadh t\u00fas lena dhul chun cinn san IRA. N\u00ed i gc\u00f3na\u00ed a thagann an cr\u00faisc\u00edn sl\u00e1n abhaile \u00e1n tobar,<\/strong> \u00e1fach, agus ar an 14\u00fa M\u00e1rta 1972, gabhadh Mac Adhaimh, agus is d\u00f3igh go raibh na F\u00f3rsa\u00ed Sl\u00e1nd\u00e1la l\u00e1n ts\u00e1sta leo fh\u00e9in, go raibh fear chomh t\u00e1bhachtach sin gafa acu. Cuireadh i bpr\u00edos\u00edn \u00e9, \u00e1it ar coinn\u00edodh \u00e9 go ceann scathaimh. Bh\u00edothas cinnte, geall leis, gur sc\u00e9itheadh air, agus b\u2019in an f\u00e1th a raibh na F\u00f3rsa\u00ed Sl\u00e1nd\u00e1la chomh cinnte sin, gurbh \u00e9 Mac Adhaimh a bh\u00ed faoi choinne\u00e1il acu. N\u00edorbh \u00e9 an t-aon cheannaire \u00e9 \u00e1fach, a gabhadh ag an am sin, ach n\u00edor chuir sin deireadh leis an bhfeachtas m\u00edleata. Comhartha eile de th\u00e1bhacht Adams san eagra\u00edocht fh\u00e9in isea gur tugadh \u201cThe Big Lad\u201d mar leasainm air, ag d\u00e9anamh aithrise, is d\u00f3cha, ar leasainm U\u00ed Choile\u00e1in, nuair a baisteadh \u201cThe Big Fellow\u201d airsean. Ag caint ar Bloody Friday, nuair a tiom\u00e1ineadh sc\u00f3r carrbhuama isteach go cro\u00edl\u00e1r Bh\u00e9al Feirste, agus gur pl\u00e9ascadh ansin iad, taobh istigh d\u2019uair a\u2019 chloig, geall leis. Mara\u00edodh naon\u00far, agus gorta\u00edodh c\u00e9ad triocha. N\u00ed raibh uathu an oiread sin mar\u00fa a dh\u00e9anamh, ach is d\u00f3cha gur tuigeadh do cheannair\u00ed an IRA go mbeadh ar chumas Arm Shasana deighle\u00e1il leis na buama\u00ed sin uilig, agus iad a chur \u00f3 mhaith, in am. N\u00ed raibh \u00e1fach, agus deineadh \u00e1r agus sl\u00e9acht ar l\u00e1r na cathrach sin.<\/p>

\u201cBloody Friday was the one great black mark against Adam\u2019s strategic record in the early 1970\u2019s. The man himself was incandescent with rage after the botched bombings, according to IRA sources. \u2018The Big Lad\u2019s doing his nut, about the warnings not being phoned in or being bungled\u2019.\u201d<\/p>

Tharla rud eile freisin, i ndiaidh don Rialtas \u00f3 thuaidh imtheorainni\u00fa a chur i bhfeidhm, th\u00e1inig earcaigh ina m\u00edlte chuig an IRA, sa chaoi, nuair a chuireann t\u00fa sin, agus na hairm uilig sin a rinneadh a iomport\u00e1il \u00f3n T\u00fain\u00e9is, go raibh ar chumas na heagra\u00edochta sin, n\u00ed hamh\u00e1in a sr\u00e1ideanna a chosaint ar ionsaithe na nd\u00edlseoir\u00ed, ach chomh maith le sin, bh\u00ed ar a gcumas freisin, cath a chur ar na F\u00f3rsa\u00ed Sl\u00e1nd\u00e1la, agus ar na P\u00e9as.<\/p>

Ar an 18 I\u00fail 1973, gabhadh Gerry Adams, maraon lena ch\u00fant\u00f3ir\u00ed t\u00e1bhachtacha i mBriog\u00e1id Bh\u00e9al Feirste. Tar \u00e9is d\u00f3ibh iad a cheisti\u00fa, agus a bhualadh, sacadh isteach sa Cheis Fhada iad. Bh\u00edothas cinnte ar\u00eds, geall leis, go mba bhrathad\u00f3ir ba ch\u00fais leis an ngabh\u00e1il sin. Th\u00f3g s\u00e9 dh\u00e1 bhliain orthu an t-eolas sin a chinnti\u00fa, \u00e1fach, agus tar \u00e9is d\u00f3ibh a cheistithe, scaoileadh \u00e9, i Samhradh na bliana 1975. Bh\u00ed an dochar d\u00e1anta \u00e1fach, agus bh\u00ed greim scorna\u00ed faighte ag na F\u00f3rsai Sl\u00e1nd\u00e1la ar eagra\u00edocht, agus ar mheais\u00edn troda, na bPoblacht\u00e1nach, n\u00f3 chomh maith le greim a fh\u00e1il ar cheannair\u00ed na heagra\u00edochta, d\u2019\u00e9irigh leo freisin, greim a fh\u00e1il ar chuid mhaith d\u00e1 st\u00f3rais airm.<\/p>

Fad is a bh\u00ed Mac Adhamh sa Cheis Fhada \u00e1fach, d\u2019\u00e9irigh leis fh\u00e9in, agus le roinnt eile d\u00e1 chomhphr\u00edos\u00fanaigh, an cheist ar fad a phl\u00e9, \u00f3 bhun go barr, agus d\u2019\u00e9irigh leo freisin, chuile iarracht a dh\u00e9anamh, lena bhfadhbanna iomad\u00fala a scaoileadh, n\u00ed hamh\u00e1in i gc\u00farsa\u00ed troda, ach chomh maith le sin, bh\u00ed orthu bealach \u00e9alaithe, as an dtranglam ina raibh siad gafa, a chuart\u00fa. Shocraigh siad ar a gc\u00f3ras m\u00edleata a atheagr\u00fa ina ndiorma\u00ed beaga, n\u00f3 in Active Service Units,<\/strong> na hASU\u2019nna sin, nach mbeadh i ngach ceann acu ach c\u00faigear, n\u00f3 seisear, agus nach mbeadh aithne n\u00f3 eolas ag ASU amh\u00e1in ar aon ASU eile, n\u00ed bheadh an t-eolas sin ach amh\u00e1in ag na ceannair\u00ed, agus sa tsl\u00ed sin, tuigeadh d\u00f3ibh, nach mbeadh ar chumas na bhF\u00f3rsa\u00ed Sl\u00e1nd\u00e1la eolas ar bith a bhaili\u00fa f\u00fathu. Ach d\u00e1r leis an \u00fadar, bh\u00ed laige amh\u00e1in sa ch\u00f3ras sin, agus b\u2019in d\u00e1 n-\u00e9ireodh leis na F\u00f3rsa\u00ed Sl\u00e1nd\u00e1la duine amh\u00e1in de na ceannair\u00ed sin a iomp\u00fa, bhuel, ansin bheadh an t-uaf\u00e1s eolais le f\u00e1il acu, \u00f3n t-aon duine amh\u00e1in sin.<\/p>

Caitheann an t-\u00fadar ansin, roinnt mhaith ama ag pl\u00e9 le c\u00farsa\u00ed inmhe\u00e1nacha an IRA, agus ag cur s\u00edos faoin pholait\u00edocht uilig a bh\u00ed ar si\u00fal istigh ansin, agus faoin chaoi ar \u00e9irigh le Mac Adhamh dul i gcionn orthu, agus a dhearcadh, agus a l\u00e9argus fh\u00e9in a chur abhaile orthu. N\u00ed in aon o\u00edche amh\u00e1in a d\u2019\u00e9irigh leis sin a dh\u00e9anamh, ach ba \u00e9 an bua ba th\u00e1bhachta\u00ed d\u00e1 raibh aige, n\u00f3 bua na foighde, agus mura n-\u00e9ireodh leis an babhta seo, chreid s\u00e9, go diongmh\u00e1lta, go mbeadh l\u00e1 eile ag an bPaorach, n\u00f3 ag an Adhamhach fi\u00fa, agus d\u00e1 mbeadh seisean s\u00e1sta fanacht, go dtiocfadh a l\u00e1. B\u00edodh sin mar at\u00e1, n\u00f3 n\u00e1 b\u00edodh, \u00e1fach, n\u00edor f\u00e1gadh gan freas\u00fara \u00e9, agus b\u00edodh gur dhein siad si\u00fad a nd\u00edcheall cos i bpoll a chur leis, th\u00e1inig Mac Adhamh sl\u00e1n, agus lean s\u00e9 leis, i ndeireadh na d\u00e1la, i mbun an pholasa\u00ed a d\u2019ullmhaigh s\u00e9, blianta roimhe sin, i gCage 11<\/strong>. Sea, agus ba mh\u00f3r a mhuin\u00edn freisin as a Kitchen Cabinet<\/strong>. Agus mar chruth\u00fa ar a chumas, agus a scil, feictear d\u00fainn, go bhfuil s\u00e9 f\u00f3s ina cheannaire ar Shinn F\u00e9in, agus n\u00ed beag n\u00e1 suarach an t-\u00e9acht \u00e9 sin.<\/p>

Is d\u00f3cha gur f\u00e9idir a r\u00e1, ag an bpointe seo, gurb \u00e9 sc\u00e9al Gerry Adams, at\u00e1 \u00e1 r\u00edomh ag an \u00fadar sa leabhar seo. An chaoi ar thosaigh s\u00e9 mar earcach san eagra\u00edocht phoblacht\u00e1nach, ag a s\u00e9 d\u00e9ag, agus ansin, an chaoi ar \u00e9irigh leis dr\u00e9imire na heagra\u00edochta sin a dhreapadh, c\u00e9im ar ch\u00e9im, go dt\u00ed gur \u00e9irigh leis an barr a bhaint amach, d\u00e1r leis an \u00fadar seo.  <\/p>

Ag an bpointe seo, caithfidh m\u00e9 a r\u00e1, gur thaitin an leabhar liom, n\u00f3 is leabhar dea-scr\u00edofa, suimi\u00fail, corraitheach \u00e9, ach ag an am gc\u00e9anna, is leabhar \u00e9, a leag sc\u00e9al os mo chomhairse amach n\u00e1r aithin m\u00e9. B\u00edodh gur choinnigh m\u00e9 suas chun d\u00e1ta le sc\u00e9al an Tuaiscirt, faoi mar a l\u00e9ir\u00edodh \u00e9 sna me\u00e1in, \u00f3 l\u00e1 go l\u00e1, ag an am, ba bheag cos\u00falacht a bh\u00ed idir an sc\u00e9al sin, agus an sc\u00e9al faoi mar a r\u00edomhtar \u00e9 sa leabhar seo. Is d\u00f3cha go bhf\u00e9adf\u00e1 a r\u00e1, go mba chlaonch\u00f3 (negative) \u00e9 ar ar l\u00e9igh m\u00e9, ina l\u00e1n slite. De r\u00e9ir an leabhair seo, n\u00ed raibh \u00e1 fh\u00e1il againn sna me\u00e1in, bun\u00fas an ama, ach sc\u00e9al sc\u00e9il, ar bheag a chos\u00falacht leis an bhf\u00edrinne<\/em><\/strong>, go minic. Ag an am gc\u00e9anna, t\u00e1 an chuma ar ch\u00farsa\u00ed, go bhfuil fios f\u00e1tha gach sc\u00e9il ag an \u00fadar, agus go bhfuil t\u00f3irse na taighde \u00e1 scaladh aige ar ph\u00f3irs\u00ed, a bh\u00ed dorcha go leor, go dt\u00ed an pointe seo. T\u00e1 an chos\u00falacht ar an sc\u00e9al, go raibh ar a chumas, eolas cinnte a bhaili\u00fa, \u00f3 chuile thaobh. N\u00edl dabht ar domhan, ach go gcuirfeadh an leabhar seo go m\u00f3r le do st\u00f3r eolais faoi sc\u00e9al an Tuaiscirt, ach chomh fada is a bhaineann s\u00e9 liomsa, caithfidh m\u00e9 a admh\u00e1il, nach bhfuil m\u00e9 cinnte f\u00f3s, an Stair, n\u00f3 Fianna\u00edocht<\/strong> at\u00e1 le f\u00e1il in \u00e1iteacha \u00e1irithe sa leabhar seo, ach t\u00e1 an taighde chomh cruinn, c\u00faramach, agus an cur chuige chomh scol\u00e1rtha, d\u2019fh\u00e9adf\u00e1 a r\u00e1, agus t\u00e1 an t-\u00fadar fh\u00e9in gafa chomh m\u00f3r sin ina sc\u00e9al, agus an oiread sin ama caite aige ag gabh\u00e1il d\u00f3, go bhfuil s\u00e9 deacair, gan ghlacadh lena l\u00e9amh-san ar ch\u00farsa\u00ed na dTriobl\u00f3id\u00ed \u00f3 thuaidh, faoi mar a tharla siad, thar thr\u00e9imhse dheich mbliana fichead anois. Ach b\u00edodh s\u00e9 f\u00edor br\u00e9agach, is l\u00e9itheoireacht \u00e9igeantach \u00e9 do dhuine ar bith, ar m\u00f3r aige, c\u00farsa\u00ed \u00f3 thuaidh, le triocha bliain anuas.<\/p>

Mar ad\u00fairt m\u00e9 cheana, n\u00ed chuile l\u00e1 a chuirfinn romham leabhar chomh toirti\u00fail leis an gceann seo a l\u00e9amh, agus cuir le sin, go bhfuil an cl\u00f3 cine\u00e1l beag ann freisin, ach i ndiaidh an ioml\u00e1in, n\u00ed sh\u00e1s\u00f3dh tada m\u00e9, ach an leabhar a l\u00e9amh, \u00f3 th\u00fas deireadh. N\u00edl fhios a\u2019m f\u00fatsa, ach caithfidh m\u00e9 l\u00e9amh, agus tuiscint an leabhair bhre\u00e1 seo a fh\u00e1g\u00e1il f\u00fat fh\u00e9in, sea, agus caithfidh tusa do bhreith fh\u00e9in a thabhairt air, i ndeireadh na d\u00e1la thiar.<\/p>

*****************<\/p>

Peadar Bairead.<\/p>

*****************<\/p>

    .<\/span><\/span><\/p>

.<\/span><\/span><\/p>

.<\/span><\/span><\/p>

.<\/span><\/span><\/p>","protected":false},"excerpt":{"rendered":"

S t a i r , n \u00f3 F i a n n a \u00ed o c h t ? ********************* A SECRET HISTORY OF T H E I R A .…………………………………………………………………………….2002. Le E D M O L O N E Y ………………………………………………………32.25. Euro Foilsithe ag ………………………………………………………………….Penguin Press. . ************************* . De thaisme, i nd\u00e1ir\u00edre, […]<\/p>\n","protected":false},"author":2,"featured_media":13435,"comment_status":"open","ping_status":"open","sticky":false,"template":"","format":"standard","meta":{"nf_dc_page":"","_et_pb_use_builder":"","_et_pb_old_content":"","_et_gb_content_width":"","footnotes":""},"categories":[1],"tags":[],"class_list":["post-13147","post","type-post","status-publish","format-standard","has-post-thumbnail","hentry","category-gan-chatagoir"],"_links":{"self":[{"href":"https:\/\/mickgb.com\/ga\/wp-json\/wp\/v2\/posts\/13147","targetHints":{"allow":["GET"]}}],"collection":[{"href":"https:\/\/mickgb.com\/ga\/wp-json\/wp\/v2\/posts"}],"about":[{"href":"https:\/\/mickgb.com\/ga\/wp-json\/wp\/v2\/types\/post"}],"author":[{"embeddable":true,"href":"https:\/\/mickgb.com\/ga\/wp-json\/wp\/v2\/users\/2"}],"replies":[{"embeddable":true,"href":"https:\/\/mickgb.com\/ga\/wp-json\/wp\/v2\/comments?post=13147"}],"version-history":[{"count":1,"href":"https:\/\/mickgb.com\/ga\/wp-json\/wp\/v2\/posts\/13147\/revisions"}],"predecessor-version":[{"id":13148,"href":"https:\/\/mickgb.com\/ga\/wp-json\/wp\/v2\/posts\/13147\/revisions\/13148"}],"wp:featuredmedia":[{"embeddable":true,"href":"https:\/\/mickgb.com\/ga\/wp-json\/wp\/v2\/media\/13435"}],"wp:attachment":[{"href":"https:\/\/mickgb.com\/ga\/wp-json\/wp\/v2\/media?parent=13147"}],"wp:term":[{"taxonomy":"category","embeddable":true,"href":"https:\/\/mickgb.com\/ga\/wp-json\/wp\/v2\/categories?post=13147"},{"taxonomy":"post_tag","embeddable":true,"href":"https:\/\/mickgb.com\/ga\/wp-json\/wp\/v2\/tags?post=13147"}],"curies":[{"name":"wp","href":"https:\/\/api.w.org\/{rel}","templated":true}]}}