Slan le Denis Philpott

.

Slán le Denis Philpott.

.

A Dhonncha gealgháireach mothóimid uainn thú,

Do chomhairle gaoise, is do chúnamh caoin, Do neart, do dhearcadh, is do chluas le héisteacht,

Bheith ’na n-éaghmais feasta, is buille dian.

.

Dáileadh an chré leat i Mí na Marbh,

Is fágadh do mhuintir i mbuairt ‘s i mbrón ,

Ach duitse, a chara, guím solas na soilse

I dTeaghlach an Rí, anois go deo.

.

Mothóimid uainn thú, inniu is feasta,

Agus sinn i sáinn nó i bhfadhb gan bhrí,

Ach beidh do chuimhne mar mhéar an eolais

Dár stiúradh fós trí bhuairt an tsaoil.

.

Codladh sámh dhuit i dteaghlach Chiaráin,

I bhfad ód’ dhúthaigh ar bhruach na Laoi,

Mar tá d’áit in áirithe ag Bord an Tiarna,

Is fáilteofar romhatsa i measc na Naomh.

.

.