Athbhliain faoi mhaise daoibh – Cuid a Dó!

An tseachtain seo caite, bhí mé ag breathnú siar ar chúpla buaicphointe 2022. Tá sé in am dúinn anois slán a fhágáil ag 2022. D’fhág Alfred Tennyson slán ag an tseanbhliain mar seo fadó:

“Ring out wild bells to the wild sky,

The flying cloud, the frosty lights;

The year is dying in the night,

Ring out, wild bells, and let him die.

Tá sé in am dúinn freisin fáilte a chur roimh an bhliain úr. Sa dán céanna, chuir Tennyson fáilte roimh an bhliain úr mar seo:

Ring out the old, ring in the new,

Ring, happy bells, across the snow:

The year is going, let him go;

Ring out the false, ring in the true…”

Dán iontach is ea é, a scríobh Tennyson sa bhliain 1850. I mbeagnach gach véarsa, fágtar slán le drochrudaí a tharla sa tseanbhliain, agus fáiltítear na deiseanna a bheidh againn san athbhliain chun rudaí dearfacha a dhéanamh ina n-ionad. Sa tslí sin, feictear an athbhliain mar dheis dúinn feabhsuithe a dhéanamh inár saolta agus sa tsochaí féin. Nach iontach an smaoineamh é sin!

Rúin Athbhliana

Bíonn sé de nós agam, thart ar an am seo, rúin athbhliana a dhéanamh, agus mé ag iarraidh mé féin a fheabhsú agus rudaí a dhéanamh a bhí ar an méar fhada. Blianta ó shin, bhíodh mo rúin briste basctha agam gan mórán achair. Ach, de réir a chéile, d’fhoghlaim mé conas rúin réalaíocha a chumadh, agus ansin conas iad a chur i bhfeidhm. Má tá suim agat níos mó a fhoghlaim faoin gcur chuige sin, molaim duit an leabhar seo a léamh: ‘Tiny Habits: The Small Changes that Change Everything’, scríofa ag an eolaí iompraíochta BJ Fogg.  

Sa leabhar sin, tugann an t-údar comhairle dúinn gan ach athruithe beaga a dhéanamh ar dtús, ach iad a dhéanamh go rialta. Mar shampla, má táim ag iarraidh éirí níos aclaí, b’fhéidir go dtosóinn le siúlóid ghearr (ciliméadar amháin) gach lá.  Tar éis tamaill agus mé sásta leis sin, rachainn ar shiúlóidí níos faide gach lá. Leanfainn ar aghaidh mar sin, go dtí go mbeinn sásta leis an méid aclaíochta á dhéanamh agam.  Má iarann tú sprioc mhór a bhaint amach ar dtús, tá sé ró-éasca do mhisneach a chailliúint, agus an sprioc a thabhairt suas.

Mo Rúin Athbhliana

Seo mo rúin maidir leis an nGaeilge, mar tá sé i gceist agam mo chuid Gaeilge a fheabhsú.  Beidh na gníomhaíochtaí seo leanas déanta trí mheán na Gaeilge.

Buille Scoir

Níl le déanamh agamsa anois ach, Athbhliain faoi shéan is faoi mhaise a ghuí oraibh go léir, agus go mbeirimid beo ar an am seo arís.

.

.

.